الإنثربولوجیون والفیزیائيون والکیمیائيون واللغویون والمؤرخون والفلکیون، والسیاسيون، وعلماء الأحیاء اللبنانیين و”فنانینیون” و”شاعریّون” و”صحفیّون” و”کاتبیّون”، جمیعهم یشکرون “الأهوازيّون” “النبیليون” و”المجتهديون” في التعاطف ویقولون لهم ألا إن لله ما أعطی ولله ما أخذ.
ویوجّهون رسالتهم من الشکر والتقدیر من أصحاب التعاطف، الی أصحاب التگاطف، بأننا لا ننکر قصورنا معکم ولکن احسبونه فاره او ماتت یم بابکم! ولکم احسبونه اخوتکم من التبنّي واشتبهنا! خایبین عثره و عد هندي! هندي و عد عثرة! لا صارت ولا دارت، زین بیناتنه اطلابة گاع؟ ناهین علی مره منکم؟ امطیحین چفیّة شایبکم؟ بایگین نفطات فانوسکم؟!، متعدّین علی حدودکم؟ خو شنهي طلابتنا ویّاکم؟!
وآنه سمعت فیروز تحلف وتتکفّر بأن: “والله وبالله مانعرف الأهواز، وطبیعي اذا مانعرفه مانگدر نتضامن ویاکم، ولهذا، فإن تضامنکم و تعاطفکم فرصة لتعرفوا أنفسکم للعالم وخاصة الشعب اللبناني”، هاي وحده، گول خوش..!
-خوش! وبعد؟
بعد هاي نافذه لیعرفکم العالم من خلالها، وبالمیتین سنه مرة اتصیر عدنه نکبة، وانتم تجون بعنوان اثنیناتنه عرب واحد ایواسي الآخر، خو اذا ماتواسون واتگعدون ببیوتکم امتنحرین ومغتاظین ویّه ارواحکم شتحصلون؟ الله وکیلكم کلشي ماکو غیر أن راح تضیعون عروبتکم بالابتعاد عن اخوتکم بهذه الأخلاق غیر العقلية.
مایا خلیفه هم شارکت بالموضوع وگالت …… حچي اصلا ماینحچي والله فشله وکلهه گامت علیهه!! بعدین اجت سمیره توفیق و ودیع سعادة و خلیل شحرور و جبران خلیل جبران أکّدوا علی أن هناك رسم عند العربي الأصیل وهو لا یحاسب ویعاقب أخاه علی خطأه و ذنبه وقت الذي یراه واقعًا في نائبة من نوائب الدنیا، ویقف معه رغم قصوره وذنوبه مهما کانت، ویؤازره و یسند ظهره حتی ینتهي وقت الشدّة ومن ثم لکل حادث حدیث!
هسه ابیوم غادي امعاگطکم للستّار علی یا مال؟!
هاي الحریري گالاها وهو یشرب جگارته!
