ما بین برنامج لبن و چاي، وتمن وروبه، تمر و حندگوگه، هلال فیل، نعناع و هیل من خلال طبخ المحروگ اصبعه و منّا ضحکه ومنّاك هوسه و منّا دبکه و حراره، عوّدنا زایر شعیب ببث برامج یضحکنا من خلالها، ولأننا نعیش وسط ارتیاح لا یوصف، تحوّل بعض هذه البرامج التلفزیونیة ارتیاحنا الی انطیاح، ومستوی هذا الانطیاح أحیانا یؤثر بشکل مباشر علی الحظ أو الصبغ!. وهکذا یستمر الانطیاح الی الانصیاع لمشاریعه. ولأننا نحب المرح والضحك کثیرًا کثیرًا، یساعد علی سهولة تفشّي ظاهرة الانطیاح هذه من وقتٍ لآخر، حسب الحاجة.
هنّوب تجیك المصیبة، زایر شعیب یلعب لعبة الشعبویة بشکل محترف، ویقول لك إحنه صوت الشعب، یا صوت، هوّ النایم هم عنده صوت؟ لا ماعنده، لا حگّه عنده صوت، أصوات مو بس صوت، ترافقها عطور تشجّعك علی النوم لفترة أطول، حیث تحدث الفوضی، فأن یکون المرئ مستیقظًا، سیکون أکثر عرضة للفوضی من أن یکون نائما شاخرًا، وسیکون في عداد الخلایا النایمة.
واحد من أصدقاء زایر شعیب هذا مهران مدیري، خوش ایعرف یضحّکنا، تسلم ایده والله مایقصّر، الرجّال ایدور علی ارتیاحنا، وارتیاحه بنفس الوقت، وارتیاحه سیکون علی حساب ارتیاحنه وارتیاح زایر شعیب علی حساب ارتیاحنه اثنینواتنه! اثنیواتنه! اثنیواناتنه؟ إثنینّا؟ اي هاي الأصح!
المهم، وین چنّه؟ ها، چنّه یم الشعبویه، اي، الشعبویة، شنهي هي؟ مرگه؟ دوده؟ ذرّاعة؟ ابریعصي؟ شمباره؟ اخیاره؟ لا لا لا.. أعتقد صیدلیة، لأن انفعالاتنا بسبب تأثیر الشعبویین علینا لا یناسب تأثیر الدوده، أو الشمبارة، لابد لها علاقة قویة بالعقاقیر.!
